اسلام آباد – 30 جولاءِ (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته صحافي جو ڪم صحافت ڪرڻ آهي جيڪڏهن صحافي سياست ڪندو ته سياستدان ڇا ڪندو، عرفان صديقي صحافي نه سياستدان آهي ۽ اڳوڻي حڪومت جو صلاحڪار رهيو آهي، موڪل واري ڏينهن کيس جيل جا دروازا کولي ڪڍندڙ وزيراعظم ئي آهي. ميڊيا بريفنگ دوران هڪ سوال جي جواب ۾ هن چيو ته حڪومت ڪنهن به صحافي، ميڊيا ورڪر يا ميڊيا سان واڳيل ڪنهن ڌر کي هدف بڻائي اذيت، تڪليف يا نقصان نه ٿي ڏيڻ چاهي.
