اسلام آباد – 11 مئي (اي پي پي( وزيراعظم محمد نواز شريف چيو آهي ته ايندڙ مالي سال جي بجيٽ ۾ بلند، پائيدار ۽ مجموعي واڌ ويجهه جي شرح حاصل ڪرڻ تي ڌيان ڏنو ويندو، ڪابينا ميمبر پنهنجي دائري اختيار ۾ انهن شعبن کي ترجيح ڏين جنهن سان اقتصادي واڌ ويجهه ۾ بهتري اچي ۽ روزگار جا اضافي موقعا پيدا ٿي سگهن. هو بجيٽ اسٽريٽجڪي پيپر 20 -2017ع بابت ڪابينا اجلاس جي صدارت ڪري رهيو هو، هن چيو ته حڪومت انساني وسيلن ۽ فزيڪل ڍانچي ۾ وڌيڪ سيڙپڪاري لاءِ پرعزم آهي، ان حوالي سان ترقياتي بجيٽ ۾ اضافي ۽ غربت ۾ کوٽ کي سڀ کان وڌيڪ ترجيح ڏني ويندي.
