اسلام آباد۔12جولائی (اے پی پی) وفاقی وزیر صنعت تے پیداوار و غذائی تحفظ رانا تنویر حسین آکھیا جو پاکستان ہک ہزار زرعی گریجویٹ کوں اعلیٰ تعلیم کیتے چین ٻھجیسی۔ تربیت زراعت اتے خوراک دی حفاظت اچ مخصوص مہارتاں دا احاطہ کریسی۔ اے ڳالھیں انہاں جمعے کوں منسٹر کونسلر، ایمبیسی آف پیپلز ریپبلک آف چائنا ژوہینگ تیان نال ملاقات اچ ڳالھ مہاڑ کریندیں ہوئیں آکھی۔ ملاقات دا مقصد پاکستانی زرعی گریجویٹس کوں چین ٻھیجݨ دے طریقہ کار کوں چھیکڑی شکل ݙیوݨ ہئی۔ ایں اسکالرشپ دا اعلان وزیراعظم پاکستان دے اڄوکے دورہ چین اچ کیتا ڳئیا ہئی۔ وفاقی وزیر آکھیا جو تربیت زراعت اتے خوراک دی حفاظت اچ مخصوص مہارتاں دا احاطہ کریسی۔رانا تنویر آکھیا جو طلباء کوں پورے پاکستان توں چݨٰیا ویسی، بلوچستان دے طلباء کوں ترجیح ݙتی ویسی، کنفیوشس انسٹی ٹیوٹ زرعی یونیورسٹی فیصل آباد اسکالرشپ پروگرام کوں نافذ کریسی۔
