راولپنڈی ۔23نومبر(اے پی پی)ملک دی عسکری قیادت فلسطین اتے کشمیریاں دی سیاسی، سفارتی و اخلاقی حمایت جاری رکھݨ دا عزم دوہریندے آکھیے جو پاکستان مسئلہ فلسطین تے ݙو ریاستی حل، اقوام متحدہ دی قرارداداں دے مطابق مسئلہ کشمیر دے مستقل حل دی حمایت کریندے، پاکستان کوں غیر مستحکم کرݨ کیتے دشمن قوتاں دے اشارے تے کم کرݨ آلے سارے دہشت گرداں، انہاں دی ٻانھہ ٻیل عناصر دے خلاف ریاست پوری طاقت نال نبڑسی۔ آئی ایس پی ??ر ݙسائے جو بری فوج دے سربراہ جنرل سید عاصم منیر دی اڳواݨی اچ 82 ویں فارمیشن کمانڈرز کانفرنس جی ایچ کیو راولپنڈی اچ تھئی اے جیندے اچ مسلح افواج دے افسران و جواناں، قانون نافذ کرݨ آلے ??دا??یاں اتے پاکستانی شہریاں سودھا شہداء دی عظیم قربانیاں کوں زبردست خراج تحسین پیش کیتا ڳئے۔ کانفرنس بھارت دے غیر قانونی مقبوضہ جموں و کشمیر اچ جاری ظلم ??ے چنتا کرین??ے بھارتی فورسز ولوں انسانی حقوق دی مسلسل خلاف ورزیاں دی مذمت کیتی۔ کانفرنس مسئلہ فلسطین تے وی پاکستان دا اصولی موقف دوہرایا۔ کانفرنس آکھیا جو ٻہوں وݙے چیلنجاں ??ے باوجود ملک اچ فساد اتے غیر یقینی صورتحال اچ کمی توں بعد ہک امید، اعتماد اتے استحکام ودھدا ݙسیے، ذاتی مقاصد کیتے مایوسی کھنݙاوݨ آلے مخصوص عناصر کوں مثبت اقدامات اتے عوام دی مکمل حمایت نال شکست ݙتی ویسی، پاک فوج پائیدار استحکام و سلامتی کیتے قوم دا دفاع اتے خدمت جاری رکھسی، معیشت دی پائیدار بحالی، اسمگلنگ، ذخیرہ اندوزی، بجلی چوری، وَن ڈاکومنٹ رجیم دا نفاذ، غیر قانونی غیر ملکیاں دی باوقار وطن واپسی اتے قومی ڈیٹا بیس دی حفاظت سودھا غیر قانونی سرگرمیاں روکݨ کیتے مختلف شعباں اچ حکومتی اقدامات دی مکمل حمایت کریندے ہیں۔
