اسلام آباد۔8اکتوبر(اے پی پی):صدر مملکت ڈاکٹر عارف علوی آکھیے اسرائیل دی طرفوں فلسطین دے عوام اتے حقوق تےغاصبانہ قبضے تے ظلم دی مذمت کیتے بغیر امن آلے پاسے پیشرفت ممکن کائنی ۔صدر مملکت اتوار کوں ایکس(سابق ٹویٹر) تے آپݨے ھک ٹویٹ اچ آکھیے جو اسرائیل دی طرفوں زمیناں دا مسلسل الحاق، غیر قانونی وستیاں، غیر متناسب ردعمل اتے قتل و غارت دے نتیجے اچ امن آلے پاسے کوئی امید تے کوئی پیشرفت کائنی ۔ انہاں آکھیے اقوام متحدہ دی قرارداداں دے مطابق اڳوں ودھݨ دا ویلھا آڳئے ۔ عالمی برادری اڄ عالمی امن کیتے وݙا کردار ادا کرسڳدی اے۔
