اسلام آباد۔4فروری(اے پی پی) وفاقی وزیر ماحولیاتی تبدیلی سینیٹر شیری رحمان عمران خان دی طرفوں آل پارٹیز کانفرنس (اے پی سی )اچ شرکت توں انکار تے ردعمل ݙیندے ہوئیں آپݨے ٹویٹ اچ آکھیے جو تحریک انصاف دی طرفوں آل پارٹیز کانفرس اچ شرکت توں انکار انہاں دی منفی اتے فسطائی سوچ دا ثبوت اے۔ شیری رحمان آکھیے عمران خان ملکی مفادات دے معاملات تے وی کہیں دے نال ٻہہݨ کوں تیار کائنی ۔ عمران خان نہ تاں کشمیرتے قومی یکجہتی دا حصہ بݨے اتے نہ ہی ہݨ دہشتگردی دے خلاف قومی اتحاد دا حصہ بݨݨ چاہندے ۔عمران خان تاثر ݙیندے پئن جو دہشتگردی صرف ملک اتے قوم دا مسئلہ اے، تحریک انصاف دا کائنی ۔ انہاں آکھیے عمران خان دہشتگردی دے خلاف آل پارٹیز کانفرس اچ شرکت نا کرتے دہشتگرداں کوں پیغام ݙیندے پئن جو تحریک انصاف انہاں دے خلاف کائنی ۔
