الیکشن 2024ءدی کوریج سانڳے میڈیا کوآرڈینیشن اینڈ فیسلی ٹیشن سینٹر مکمل طور تے فعال اے، پی آئی ڈی

2025-03-05 18:00:39

اسلام آباد۔8فروری(اے پی پی) پریس انفارمیشن ڈیپارٹمنٹ اچ صحافیاں دی سہولت سانڳے قائم ”میڈیا کوآرڈینیشن اینڈ فیسلی ٹیشین سینٹر“ مکمل طور تے فعال اے۔ پی آئی ڈی توں جاری پریس ریلیز موجب میڈیا سینٹر اچ صحافیاں دی سہولت سانڳے ہائی سپیڈ انٹرنیٹ، جدید ترین کمپیوٹرز، لیپ ٹاپس، پرنٹر، سکینرز، ایل ای ڈیز اتے ایس ایم ڈیز موجود ہن۔ میڈیا سینٹر اچ صحافیاں دی معاونت سانڳے پی آئی ڈی دا تربیت یافتہ عملہ اتے افسران وی موجود ہن۔ میڈیا سینٹر کوں ایس ایم ڈیز دے ذریعے الیکشن کمیشن دے ” الیکشن سٹی“نال جوڑݨ دا انتظام کیتا ڳئے جݙاں جو الیکشن کوریج دے دوران صحافیاں دی شکایتاں دے وختی ازالے سانڳے وزارت اطلاعات دی Helpline-MoIB وی مکمل طور تے فعال اے۔ صحافی mediahelpline.moib.gov.pk تے شکایتاں درج کراسڳدن ۔ شکایت دے اندراج سانڳے ٹیلیفون ہیلپ لائن0519252287 وی فعال کرݙتی ڳئی اے ۔میڈیا کوآرڈینیشن اینڈ فیسلی ٹیشن خاص طورتے الیکشن 2024ءدی کوریج کرݨ آلے مقامی اتے بین الاقوامی صحافیاں دی سہولت سانڳے بݨایا ڳئے ۔

مضمون کا ماخذ : امکان ہے کہ میگا سینا

متعلقہ مضامین