اسلام آباد۔10اگست (اے پی پی) وزیراعظم محمد شہباز شریف آکھیا جو پاکستان اچ وسائل اتے صلاحیتاں دی کوئی ڳھٹکی کائنی، ساریاں کوں پاکستان دی خوشحالی کیتے کردار نبھاوݨا پوسی۔ محنت نال پاکستان دا مستقبل روشن ٻݨایا ونڄ سڳدے۔ قائداعظم اتے علامہ اقبال دے رہنما اصولاں مطابق پاکستان کوں چلاوݨ دا عزم کرݨا پوسی۔ او خمیس کوں وزیر اعظم ہاؤس اتے آفس دے عملے دے اعزاز اچ ݙتے ڳئے ظہرانے توں خطاب کریندے پئے ہن۔ ایں موقع تے وزیراعظم گریڈ ہک توں سولہ دے ملازماں اچ حوصلہ افزائی سرٹیفکیٹ تقسیم کیتے۔ ایں موقع تے وزیراعظم ہاؤس تے آفس دے عملہ ولوں وزیراعظم کوں انہاں دا پورٹریٹ پیش کیتا ڳیا۔ ایں موقع تے ڳالھ مہاڑ کریندیں ہوئیں وزیراعظم محمد شہباز شریف آکھیا جو میں 16 مہینے اچ تعاون تے وزیراعظم ہائوس تے آفس دے سارے عملے دا شکریہ ادا کرینداں۔
.jpg)
