اسلام آباد۔5دسمبر (اے پی پی) وزیراعظم محمد شہباز شریف ایف بی آر دی ڈیجیٹائزیشن کوں حکومت دی معاشی اصلاحات بارے سنگ میل قرار ݙیندیں وئیں ڈیجیٹائزیشن دے اہداف کوں 31 دسمبر 2024تئیں مکمل کرݨ اتے ٹیکسیشن کوں موثر اتے تیز ٻݨاوݨ دی ہدایت کیتی۔ خمیس کوں وزیراعظم محمد شہبازشریف دی صدارت ملکی معاشی صورتحال اتے فیڈرل بورڈ آف ریونیو دی ڈیجیٹائز یشن بارے جائزہ اجلاس تھیا۔ وزیراعظم آفس دے میڈیا ونگ توں جاری بیان موجب وزیراعظم اجلاس توں خطاب کریندیں ہوئیں آکھیا جو ایف بی آر دی ڈیجیٹائزیشن حکومت دی اہم معاشی اصلاحات اچ اہم سنگ میل دی حیثیت رکھیندی اے۔ وزیراعظم محصولات اچ ودھارے کیتے ڈیٹا تے مبنی حکمت عملی تے زور ݙیندیں ہوئیں آکھیا جو ایف بی آر دی ڈیجیٹائزیشن بارے اہم پیش رفت تھئی اے۔ انہاں ایں بارے وفاقی وزیر خزانہ ، وزیر مملکت برائے خزانہ ،چیئر مین ایف بی آ ر، سیکریٹری خزانہ دی کوششاں دی تعریف کریندیں ہوئیں آکھیا جو معاشی ٹیم دی کوششاں دے ثمرات آوݨ شروع تھی ڳئن۔ ) وزیراعظم محمد شہباز شریف ایف بی آر دی ڈیجیٹائزیشن کوں حکومت دی معاشی اصلاحات بارے سنگ میل قرار ݙیندیں وئیں ڈیجیٹائزیشن دے اہداف کوں 31 دسمبر 2024تئیں مکمل کرݨ اتے ٹیکسیشن کوں موثر اتے تیز ٻݨاوݨ دی ہدایت کیتی۔ وزیراعظم آکھیا جو سمگل شدہ ایندھن دے خلاف سخت کریک ڈاؤن اتے پیٹرول اتے ڈیزل دے نرخاں اچ نشابر ڳھٹکی پاروں پاکستان اچ پٹرولیم مصنوعات دی فروخت نومبر 2024 اچ 25 مہینے دی بلند ترین سطح تے پڄ ڳئی اے اتے 1.58 ملین ٹن تئیں رہی اے جو ٻہوں خوش آئند اے۔ وزیراعظم آکھیا جو پاکستان اچ پٹرولیم مصنوعات دی فروخت اچ سال بہ سال 15 فیصد ودھارا تھیے جو توانائی دی مارکیٹ اچ بحالی دی نشاندہی کریندے۔ انہاں آکھیا جو کھنڈ دی برآمد دے ویلھے تے فیصلے پاروں پاکستان کوں پنڄ سو ملین ڈالر دا قیمتی زرمبادلہ ملیے۔ اجلاس اچ وزیراعظم کوں ایف بی آر دی ڈیجیٹائزیشن بارے بریفنگ ݙتی ڳئی۔ بریفنگ اچ ݙسیا ڳئیا جو ایف بی آر دی ویلیو چین دی ڈیجیٹائز یشن بارے سارے کم مارچ 2025 تئیں پورے تھی ویسن۔ شوگر انڈسٹری دی وڈیو اینالیٹیکس دی تنصیب دا کم پورا تھی ڳئے۔ سیمنٹ انڈسٹری دی وڈیو اینالیٹیکس دی تنصیب بارے ڈیزائن پورا تھی ڳئے۔ اجلاس اچ نائب وزیراعظم تے وزیر خارجہ اسحاق ڈار ، وفاقی وزیر منصوبہ بندی احسن اقبال ، وفاقی وزیر اقتصادی امور احد خان چیمہ، وفاقی وزیر خزانہ و محصولات محمد اورنگزیب ، وفاقی وزیر قانون و انصاف اعظم نذیر تارڑ ، وزیر مملکت برائے خزانہ تے محصولات علی پرویز ملک اتے متعلقہ اعلیٰ سرکاری افسر شریک تھیے۔
