اسلام آباد۔1دسمبر (اے پی پی) وزیراعظم محمد شہباز شریف آکھیا جو پاکستان پر امن افغانستان چاہندے، بین الاقوامی برادری افغانستان دی صورت حال اچ بہتری کیتے آپݨا کردار ادا کرے۔ وزیر اعظم دے میڈیاونگ توں جاری بیان موجب اے ڳالھیں انہاں وزیر مملکت خارجہ امور حنا ربانی کھر نال ڳالھ مہاڑ کریندیں ہوئیں آکھی جہاں خمیس کوں انہاں نال ملاقات کیتی۔ ملاقات اچ وزیر مملکت اپݨے اڄوکے دورہ افغانستان بارے وزیراعظم کوں ݙسیا۔ ایں موقع تے وزیراعظم آکھیا جو پاکستان پر امن افغانستان چاہندے، بین الاقوامی برادری افغانستان دی صورت حال اچ بہتری کیتے آپݨا کردار ادا کرے۔ انہاں آکھیا جو پاکستان افغان ٻھیݨ بھراواں دی پوری مدد اتے حمایت کریندا رہسی۔
