اسلام آباد۔18دسمبر(اے پی پی) وفاقی وزیر اطلاعات ونشریات مریم اورنگزیب آکھیے جو ملک نی بلکہ عمران خان ہر طرح نال ڈیفالٹ کرچکن ،عمران خان کہیں وی صورت اسمبلیاں نہ ترڑیسن ۔ فارن فنڈنگ ، توشہ خانہ ، ہیرے دیاں مندریاں ، ڳئو ، زمیناںدی چوریاں دا 20 دسمبر کوں اسلام آباد ہائی کورٹ اچ جواب ݙیون ، تساݙی عقل ٹھکاݨے آویسی ۔ اے ڳالھ انہاں اتوار کوں عمران خان دے بیان تے ردعمل اچ آکھی اے ۔ وزیراطلاعات آکھیے ملک نی عمران خان ہر طرح نال ڈیفالٹ کر چکن ۔اپݨی کرپشن دا جواب ݙیوݨ شروع کرن ، عقل ٹھکاݨے تاں کیا، چارے طبق روشن تھی ویسن ۔ انہاں آکھیے عمران خان کہیں وی صورت اسمبلیاں نہ ترڑیسن ۔فوج کوں چھوڑو! اپݨے گھر اتے گھر آلی دیاں چوریاں تے کرپشن دا ݙساؤ ۔مریم اورنگزیب آکھیے فارن فنڈنگ ، توشہ خانہ ، ہیرے دیاں مندریاں ، زیورات، زمیناں دی چوریاں دا 20 دسمبر کوں اسلام آباد ہائی کورٹ اچ جواب ݙیو، تساݙی عقل ٹھکاݨے آویسی ۔ ہݨ فارن ایجنٹ ، توشہ خانہ چور، نالائق نااہل مافیا کݙاہیں اقتداراچ نہ آسی ، ان شاءاللہ۔انہاں آکھیے تساں اقتدار اچ آئے ہاوے تاں چور چور دا شور مچا تے ملک کوں لٹ تے چلیے ڳیو ۔ تساں اقتدار اچ آئے ہاوے آپݨا لاتا ہویا ھک وی کوڑا الزام ثابت نی کرسڳیے ۔ انہاں آکھیے عمران خان چیف الیکشن کمشنر توں چیک چیک دے این آر او منگدا پئے ۔عمران خان چار سال اقتدار اچ بھیانک لٹ مار کر تے ڳن۔
