اسلام آباد۔17فروری (اے پی پی):وزیراعظم دے معاون خصوصی قومی صحت ڈاکٹر فیصل سلطان آکھیے جو بل گیٹس پولیومکاوݨ دے پروگرام تے پیش رفت دا جائزہ گھنسن ۔ خمیس کوں وزارت صحت توں جاری بیان موجب ڈاکٹرفیصل سلطان آکھیے جو بل گیٹس کوں پہلی واری پاکستان آوݨ تے ویلکم کریندے ہوئیں خوشی محسوس کریندے پیوں۔ انہاں آکھیے جو پہلے توں طے شدہ مصروفیات دے مطابق بل گیٹس پولیو دے خاتمے دے پروگرام تے پیش رفت دا جائزہ گھنسن، این سی او سی دا دورہ تے احساس پروگرام دا جائزہ گھنسن ۔ بل گیٹس صدر پاکستان وزیراعظم عمران خان اتے صوبائی ہیلتھ لیڈر شپ نال ملاقات وی کریسن ۔
