اسلام آباد۔29دسمبر (اے پی پی) صدر آصف علی زرداری سوسائٹیز رجسٹریشن ایکٹ 2024 تے دستخط کرݙتے۔ آݙت وار کوں ترجمان قومی اسمبلی موجب صدرمملکت آصف علی زرداری سوسائٹیز رجسٹریشن ایکٹ2024 تے دستخط کر ݙتن۔ ترجمان آکھیا جو صدر دے دستخطاں نال بل قانون ٻݨ ڳئے۔ قومی اسمبلی گزٹ نوٹیفیکیشن جاری کرݨ کیتے پرنٹنگ کارپوریشن آف پاکستان کوں مراسلہ ٻھیج ݙتے۔ ترجمان قومی اسمبلی آکھیا جو قانون دے تحت دینی مدرسیاں دی رجسٹریشن سوسائٹیز ایکٹ دے مطابق تھیسی۔ اے معاملہ افہام تفہیم نال حل کر ڳھدا ڳئے۔
