اسلام آباد۔8مئی(اے پی پی):ازبکستان دے وزیرخارجہ بختیار سیدوف ݙو ݙینھ دے دورے تے پاکستان پڄ ڳئن۔ دفتر خارجہ آمد تے نائب وزیراعظم اتے وزیر خارجہ محمد اسحاق ڈار معزز مہمان دا استقبال کیتے۔ دفتر خارجہ موجب ازبکستان دے وزیر خارجہ پاکستان اچ قیام دے دوران وزیراعظم شہباز شریف نال ملاقات کریسن ۔ ازبک وزیرخارجہ نائب وزیر اعظم اتے وزیر خارجہ سینیٹر اسحاق ڈارنال باضابطہ مذاکرات کریسن ۔ مذاکرات اچ ݙو طرفہ اقتصادی و تجاری تعلقات کوں مزید ودھاوݨ تے خصوصی توجہ ݙتی ویسی ۔
