اسلام آباد ۔ 29 مارچ (اے پی پی)وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو وزیراعظم عمران خان موجودہ بحران دے دوران ذخیرہ اندوزی کرنڑ آلیں نال سختی نال نبڑنڑ دی ہدایت کیتی اے ،عوام کوں کھاونڑ پیونڑ دیاں چیزاں دی بلا تعطل فراہمی یقینی بنڑاونڑ کیتے رضا کار کورونا یوتھ ٹائیگر فورس اتے صحافیاں دے تحفظ کیتے موبائل ایپلی کیشن دا اج سنوار کوں اجرا کریسن ،،کورونا وائرس دا ہکو علاج احتیاط اے ،کورونا وائرس معیشت تے وی اثر انداز تھیندا پئے ۔اے گال انہاں اتوار کوں پاکستان تحریک انصاف دی کور کمیٹی دے اجلاس دے بعد میڈیا بریفنگ ڈیندے ہوئیں آکھی اے۔ انہاں آکھیے جو اجلاس اچ وبائی مرض نال نبڑنڑ کیتے وزیراعظم عمران خان دی قیادت اچ حکومت ولوں چاتے گے اقدامات دا تفصیلی جائزہ گھدا گیا تے وزیراعظم عمران خان پارٹی قیادت کوں آکھیے جو پوری دنیا ایں بحران دا شکار اے ۔وزیر اعظم پارٹی قیادت کوں کشمیر اتے گلگت بلتستان سمیت چارے صوبیں ولوں ایں حوالے نال ڈیٹا کولیکشن اقدامات، جائزہ اتے عملدرآمد دی حکمت عملی بارے ڈسائے ۔ وزیراعظم آکھیے جو پاکستان اوکھے مرحلے توں گزردا پئے اوکھے ویلھے اچ قیادت عوام دے نال کھڑے ،کوئی حکومت کلہیں نی لڑ سگدی، عوام دی یکجہتی ، یکسوئی، ہم آہنگی اتے سارے اداریں دے جرات مندانہ اقدامات نال ایں وبا تے قابو پاتا ونج سگدے ۔انہاں آکھیے جوکورونا وائرس توں بچنڑ کیتے احتیاطی تدابیر تے مزید عمل کیتا ویسی ۔
.jpg)
