اسلام آباد – 28 مئي (اي پي پي) وزيراعظم شاهد خاقان عباسي گڏيل قومن جي دهشتگردي جي خاتمي واري آفيس (يو اين او سي ٽي) جي سهڪار سان وزيراعظم جي يوٿ پروگرام تحت فاٽا ۾ نوجوانن جي صلاحيت ۾ اضافي لاءِ منصوبي جو افتتاح ڪري ڇڏيو آهي. فاٽا ڊولپمنيٽ اٿارٽي پاڪ فوج جي مدد سان منصوبي تي عملدرآمد ڪندي، منصوبي تحت 35 سال کان گهٽ عمر جي مرد ۽ عورتن کي فاٽا ۾ دهشتگردي کان متاثر 100 نوجوانن کي ووڪيشنل تربيت ۽ سائيڪو – سوشل مدد فراهم ڪئي ويندي ته جيئن انهن کي پائيدار روزگار تائين رسائي ٿئي.
