اسلام آباد۔7جولائی (اے پی پی):صدر مملکت ڈاکٹر عارف علوی خصوصی لوکاں کوں مالی طور تے بااختیار بݨاوݨ کیتے سرکاری اتے نجی شعبیں اچ روزگار ݙیواوݨ دیاں کوششاں تکھیاں کرݨ دی لوڑھ تے زور ݙیندے ہوئیں آکھیے جو مارکیٹ اچ مختلف ملازمتاں کیتے خصوصی لوکاں د موزونیت دا تعین بین الاقوامی معیارات دے مطابق کیتا ونڄݨا چاہیدے تے انہاں کوں مالی طور تے بااختیار بݨاوݨ کیتے نوکریاں ڳولݨ اچ سہولت ݙتی ونڄݨی چاہیدی اے صدر مملکت اے ڳالھ جمعہ کوں اتھاں ایوان صدر اچ معذوری دی درجہ بندی اتے نوعیت دے فریم ورک متعلق اجلاس دی صدارت کریندے ہوئیں آکھی اے ۔ اجلاس اچ وزارت انسانی حقوق، وزارت نیشنل ہیلتھ سروسز ریگولیشن اینڈ کوآرڈینیشن، نیوٹیک اتے نادرا دے سینئر حکام اتے عالمی ادارہ صحت دی نمائندہ ڈاکٹر مریم ملک اجلاس اچ شرکت کیتی ، ایں موقع تے خطاب کریندے ہوئیں صدر آکھیے جو ہنر مند خصوصی لوکاں دی ملازمت کیتے ممکنہ آجراں دی نشاندہی کیتی ونڄݨی چاہیدی اے تے پہلے مرحلے اچ نجی شعبے اچ وݙے آجراں نال رابطہ کیتا ونڄݨا چاہیدے تے تاں جو انہاں دی مہارت دے مطابق انہاں کوں ایڈجسٹ کیتا ونڄ سڳدے۔
