اسلام آباد۔10جون (اے پی پی) وزیراعظم محمد شہباز شریف دا قزاقستان دے صدرقاسم جومارت توکایف نال ٹیلیفونک رابطہ کیتا اتے توانائی، زراعت، آئی ٹی،ٹیکسٹائل اتے بجلی دے شعبیاں اچ ݙوپاسہ تعاون کوں ٻیا ودھاوݨ دی لوڑھ تے اتفاق کیتا۔ چھݨ چھݨ کوں وزیراعظم میڈیا ونگ توں جاری پریس ریلیز موجب ٹیلیفونک رابطہ وچال وزیراعظم آکھیا جو پاکستان قزاقستان نال اپݨے ݙوپاسہ تعلقات کوں اہمیت ݙیندے۔ سیاحت دے فروغ اتے عوام وچال رابطیاں کوں ودھاوݨ دی اہمیت کوں اجاگر کریندیں ہوئیں وزیراعظم ایں ڳالھ تے اطمینان کیتا جو ݙوہیں ملکاں وچال فلائٹ آپریشن جلدی شروع کیتا ویسی۔ قزاقستان دے صدر پاکستان کوں خطے دے اہم ملک قرار ݙیندیں ہوئیں پراݨے ݙوپاسہ تعلقات کوں ٻیا ودھاوݨ دی خواہش کیتی۔ ݙوہیں رہنماواں توانائی ، زراعت ، آئی ٹی ، ٹیکسٹائل اتے بجلی دے شعبیاں اچ ݙوپاسہ تعاون کوں ودھاوݨ دی لوڑھ تے اتفاق کیتا۔ وزیراعظم قزاقستان دے صدر کوں جلدی توں جلدی پاکستان دے سرکاری دورے دی دعوت ݙتی۔
