اسلام آباد۔10نومبر (اے پی پی) وفاقی وزیر اطلاعات تے نشریات مریم اورنگزیب آکھیا جو زباناں بند کرݨ آلا اڄ سڑکاں بند کریندا پے، عمران خان پاروں ملک اچ فساد، انتشار اتے نفرت کھنݙ ڳی اے۔ عمران خان رستے بند کر تے کیا مقصد ڳھنݨ چاہندن؟ خمیس کوں آپݨے بیان اچ انہاں آکھیا جو عمران خان پاروں اڄ سکول اتے ہسپتال دے رستے بند ہن، عمران خان جیڑھا پیسہ رستے بند کرݨ اتے جلاؤ گھیراؤ تے لیندے پن او چھل متاثرین دی بحالی تے لاݙیندے۔ عمران خان جیڑھا پیسہ ٻھاہ لاوݨ تے لیندے پن او پیسہ چھل متاثرین دے چلہے تے لا ݙیندے۔ عمران خان جیڑھا پیسہ سکول اتے ہسپتال بند کرݨ تے لیندے پن او پنجاب اتے خیبر پختونخواہ اچ سکول اتے ہسپتال ٻݨاوݨ تے لا ݙیندے۔ عمران نیازی دا قمصد ملک اچ انتشار، فساد، جلاؤ گھیراؤ اتے فتنہ اے، اے او ڈھیٹ فسطائی بندہ اے جئیں چھل متاثرین دی امداد تے وی سیاست کیتی۔ عمران خان چار سال عوام دی روٹی، بجلی، گیس ، دوائی کھسی اتے اڄ سڑکاں بند کریندا پے۔
