اسلام آباد۔10جون (اے پی پی):حکومت آندے مالی سال 2022-23دے بجٹ اچ سرکاری شعبہ دے ترقیاتی پروگرام (پی ایس ڈی پی ) دے تحت قانون و انصاف ڈویژن دے 9جاری تے 2 نویاں سکیماں کیتے مجموعی طور تے 1813.892ملین روپے مختص کرݨ دی تجویز ݙتی اے ۔ جمعہ کوں پی ایس ڈی پی دے جاری اعداد و شمار دے مطابق حکومت وفاقی بجٹ اچ سرکاری شعبہ دے ترقیاتی پروگرام دے تحت نو جاری منصوبیں کیتے 1722.992ملین روپے مختص کرݨ دی تجویز ݙتی اے جنہاں اچ وزارت قانون و انصاف دی قانون سازیاں اتے ریکارڈ کوں آرکائیو کرݨ ے ڈیجیٹلائزیشن ، وفاقی عدالتاں ٹربیونلز دی آٹو میشن (فیز ٹو) ، اسلام آباد ہائی کورٹ جی فائیو ون شاہراہ دستور دی عمارت اچ لیگل سہولت مرکز دی تعمیر ، وفاقی شرعی عدالت پشاور دے کیمپ آفس دی تعمیر دا نظر ثانی شدہ منصوبہ ، لاہور اچ وفاقی عدالتاں تے ٹربیونلز کمپلیکس دی تعمیر ،کراچی اچ سپریم کورٹ برانچ رجسٹری کیتے نویں عمارت دی تعمیر ، نیشنل جوڈیشل آٹو میشن یونٹ دی توسیع و استحکام متعلق فیزیبلٹی سٹڈی پی سی ٹو ، وزارت قانون و انصاف اچ منصوبہ بندی و مانیٹرنگ یونٹ دے استحکام دا نظر ثانی شدہ منصوبہ شامل ہن۔ انہاں سکیماں کیتے لاڳت دا تخمینہ 1841.907ملین روپے لاتا ڳئے ۔ پی ایس ڈی پی اچ جنہاں ݙو نویاں سکیماں کوں رلایا ڳئے ایں کیتے 90.900ملین روپے مختص کیتے ڳئن ۔ انہاں سکیماں اچ سپریم کورٹ آف پاکستان دے پی سی ٹو دے نال منسلک اٹارنی جنرل آف پاکستان، ایڈووکیٹ/ پراسیکیوٹر جنرل اتے ٻئے متعلقہ افسران دے دفتر دی تعمیر کیتے تخمینہ لاڳت دے مساوی 16.900ملین روپے رکھیے ڳئن ۔ ݙوجھا منصوبہ وزارت قانون و انصاف تے وفاقی وزارتاں /ڈویژناں دے قانونی ونگز دی استعداد کار اچ اضافہ تے استحکام کیتے 74 ملین روپے رکھئے ڳئن ۔
