اسلام آباد۔25اکتوبر (اے پی پی):وفاقی وزیر صنعت و پیداوار مخدوم خسرو بختیار سنوار کوں چھیویں وزارتی سطح دے ابوظہبی ڈائیلاگ اچ پاکستانی وفد دی قیادت کیتے دبئی پڄ ڳئن ۔جاری بیان موجب وفاقی وزیر خسرو بختیارپاکستان کوں ملݨ آلی ابوظہبی ڈائیلاگ دے سربراہی اجلاس توں خطاب کریسن ،پاکستان کوں ابو ظہبی ڈائیلاگ دی سربراہی ݙو سال کیتے ݙتی ڳئی اے ۔وفاقی وزیر متحدہ عرب امارات اچ رہݨ آلی پاکستانی بزنس کمیونٹی اتے سرمایہ کاراں نال وی ملاقات کریسن ۔ابوظہبی ڈائیلاگ ایشین ملکاں اچ تعاون کیتے 2008 اچ قائم کیتا ڳیا ہئی ، ایندے ممبرز اچ بھارت سودھے 18 ملک شامل ہن۔
