اسلام آباد۔17اگست (اے پی پی) ڈپٹی چیئرمین سینیٹ سیدال خان نال بلوچستان اچ نادرا دے ڈائریکٹر جنرل ملاقات کیتی۔ سینیٹ سیکرٹریٹ میڈیا ڈائریکٹوریٹ توں جاری اعلامیہ موجب ڈپٹی چیئرمین سینیٹ نادرا دے سینئر افسر نال اظہار تشکر کریندے بلوچستان دے عوام سانڳے نادرا دی طرفوں شناختی کارڈ دے اجرا دے عمل کوں سوکھا بݨاوݨ دے اقدامات دی تعریف کیتی ۔ ڈپٹی چیئرمین سینیٹ آکھیے بلوچستان ھک وݙا صوبہ اے ، پرے دے علاقیں دے عوام کوں کہیں ویلھے سفری اوکھ پاروں شناختی کارڈ گھنݨ اچ مسئلیں دا سامݨا کرݨا پوندے ، ایجھے علاقیں سانڳے نادراکوں موبائل ٹیماں تے ٻئے مناسب اقدامات دے ذریعے سہولت نال سوکھ ݙتی ونڄ سڳدی اے ۔ نادرا دے ڈا ئریکٹر جنرل ڈپٹی چیئرمین سینیٹ کوں ایں سلسلے اقدامات سانڳے ہر ممکن کوشش دا یقین ݙیوائے۔ ایں موقع تے انھاں انہاں دی خوش دامن دے انتقال تے پرچاوݨی ݙتی تے مرحومہ دے درجات سانڳے دعا منگی۔
