اسلام آباد۔3جولائی(اے پی پی) وفاقی وزیر منصوبہ بندی ،ترقی، اصلاحات و خصوصی اقدامات احسن اقبال آکھیے پاکستان امریکا دی 76 سالہ یاری اوکھے ویلھے وی برقرار رہی، سرد جنگ اتے دہشت گردی دے خلاف جنگ اچ ݙوہیں ملکاں دے سانجھے اتحاد تاریخی مثال بݨائی. مختلف پیشے نال جڑیے 10 لکھ پاکستانی امریکا وچ آباد ہن ۔ اے ڳالھ انہاں امریکی یوم آزادی دے سلسلے اچ امریکی سفارتخانے اچ تقریب توں خطاب اچ آکھی اے ۔ احسن اقبال آکھیے جو منگلا ، تربیلا ڈیم جیہے میگا پراجیکٹس دی تعمیر امریکا دی مدد پاروں ممکن تھئی ۔ انہاں آکھیے پوری دنیا توں فل برائٹ اسکالرشپ دے تحت تعلیم حاصل کرݨ آلیں اچ ساریں توں ودھ تعداد پاکستانیاں دی اے۔ میکوں پنسلوانیا دے مشہور وارٹن سکول اچ 1984 توں 1986 تئیں پڑھݨ دا موقع ملیا ۔ انہاں آکھیے میں ݙٹھے کیویں امریکی یونیورسٹیاں ملک دی معاشی ترقی اچ کلیدی کردار نبھیندن ۔ 2013 اچ امریکا پاکستان نالج کوریڈور شروع کیتا۔ آندے ݙاہ سالاں اچ اعلیٰ امریکی یونیورسٹیاں اچ 10 ہزار پاکستانی طلبا پی ایچ ڈی دی تعلیم گھنسن۔احسن اقبال آکھیے جو 2023 اچ ݙوہیں ملکاں وچال تجارت 12 بلین ڈالر توں تجاوز کر ڳئی۔ سانجھی تجارت کوں ودھاوݨ سانڳے ݙوہیں ملکاں وچال اتفاق رائے اے۔ تجارت اتے سرمایہ کاری، توانائی، انسداد دہشت گردی، تعلیم، آئی ٹی اتے دفاع دے شعبیں اچ ݙو پاسے ڈائیلاگ میکنزم بݨائے ڳئن۔ انہاں آکھیے 2022 دے چھل اچ ݙتی ڳئی مدد تے امریکا دے شکریہ ادا کریندوں 1960 ڈے ݙھاکے اچ زراعت دے شعبے اچ ساوے انقلاب پاکستان اچ اہم ترقی کوں یقینی بݨائے۔ غذائی تحفظ اتے ماحولیاتی تبدیلیاں دے منفی اثرات توں تحفظ کوں یقینی بݨاوݨ سانڳے ساوے انقلاب 2.0 دی لوڑھ اے۔
.jpg)
.jpg)
.jpg)
