شینزن۔5جون(اے پی پی):وزیر اعظم دے دورہ چین اچ وفاقی وزراء عبدالعلیم خان اتے جام کمال خان دے چینی کمپنیاں نال ݙو پاسے معاہدے کیتے ڳئن ۔ پلاننگ کمیشن توں جاری اعلامیے موجب پاکستان توں بورڈ آف انویسٹمنٹ،کامرس اتے نیشنل فوڈ سکیورٹی دی چینی اداریں نال بزنس ٹو بزنس سرگرمیاں شامل ہن، وفاقی وزیر سرمایہ کاری بورڈ عبدالعلیم خان اتے وزیر تجارت جام کمال خان دی کمپنیاں دے سی ای اوز نال ملاقاتاں کیتن ۔چین دے چنگ ڈاؤ گروپ، ژنگ جیانگ دے وفد دا وی وفاقی وزیر سرمایہ کاری عبدالعلیم خان نال اہم اجلاس تھئے۔ چین دی کمپنیاں دا پاکستان دے مختلف اہم شعبیں اچ سرمایہ کاری سانڳے اظہار دلچسپی، معاہدیں تے دستخط کیتے ڳئن۔زراعت،فرٹیلائزر،آئی ٹی، موبائل مینو فیکچرنگ، فارما سوٹیکل،فٹ وئیر اتےفائبر دے شعبیں اچ سرمایہ کاری تھیسی۔وفاقی وزیر سرمایہ کاری عبدالعلیم خان آکھیے بزنس ٹو بزنس سرگرمیاں اچ چینی کمپنیاں دی حوصلہ افزائی کریسوں،حکومت صر ف سہولت کار، سرمایہ کاری سانڳے پاکستان اچ نجی شعبے کوں مکمل فری ہینڈ ݙیسی۔
