اسلام آباد۔24جون (اے پی پی) وزیراعظم دامعاشی خود کفالت تے خود ا??حصاری کیتے پیش آندے چیلنجاں تے قابو پاوݨ کیتے گرینڈ نیشنل ڈائیلاگ تے میثاق معیشت دی تجویز دا اعادہ کریندے ہوئیں غربت تے مہانگ کوں گھٹ کرݨ کیتے وݙیاں صنعتاں تے 10 فیصد سپر ٹیکس تے سالانہ 15 کروڑ، 20 کروڑ، 25 کروڑ تے 30 کروڑ روپے توں ودھ آمدن آلے صاحب ثروت لوکاں تے وی ٹیکس لاوݨ دا اعلان کیتے تے آکھیے جو ہمیشہ اوکھے ویلھے تے چیلنجاں اچ غریب آدمی قربانی ݙتی، اڄ صاحب ثروت لوکاں کوں قربانی ݙیوݨی ہوسی، ریاست دی ذمہ واری اے جو امیراں توں ٹیکس گھن تے غریباں تے خرچ کرے، آندے مالی سال دا بجٹ معاشی صورتحال کوں مستحکم کرݨ دا بجٹ اے ، ݙینھ رات محنت کرتے لوݙے کھاندی معیشت کوں پار لیسوں ، وکھری مدت اچ سالانہ تقریباً ݙو ہزار ارب روپے دا ٹیکس غائب تھ?? ویندے ، ٹیکس وصولی ودھاوݨ تے ٹیکس چوری روکݨ کیتے جدید ٹیکنالوجی استعمال کیت?? ویسی ، غربت، بے روزگاری اتے نفرتاں دی دیوار ڈھاوݨی ہوسی ملکی معاشی صورتحال متعلق اجلاس دی صدارت کریندے ہوئیں وزیراعظم آکھیے جو سابق حکومت دی ناتجربہ کاری تے کرپشن توں ملکی معیشت کوں ضیان تھئے تے بدترین کرپشن کیتی ڳئی، مختلف فیصلیں اچ تاخیری حربے استعمال کیتے ویندے رہیے ، معیشت دیوالیہ تھیوݨ ویندی پئی ہئی لیکن ساݙے اقدامات توں پاکستان دیوالیہ تھیوݨ آلی صورتحال توں بچ ویسی تےملک اچ ترقی و خوشحالی دا انقلاب آسی ، وزیراعظم ایں ضمن اچ فیصلیں تے قوم کوں اعتماد اچ گھندے ہوئیں آکھیے جو غربت گھٹ کرݨ کیتے وݙیاں صنعتاں تے 10 فیصد سپر ٹیکس لیندے پیوں انہاں صنعتاں اچ سیمنٹ انڈسٹری، سٹیل، شوگر انڈسٹری، تیل و گیس، کھاد، ایل این جی ٹرمینل، بینکاری صنعت، آٹوموبیل، سگریٹ انڈسٹری، کیمیکلز و بیوریجز تے 10 فیصد سپر ٹیکس لڳسی ۔ انہاں آکھیے جو سگریٹ انڈسٹری اچ 60 فیصد غیر رسمی شعبہ توں ٹیکس جمع تھیندے لیکن 40 فیصد ٹیکس وصول نی تھی پوندا ، ٹیکس وصولی ودھاوݨ تے وزیراعظم توں گھن تے وفاق تے صوبیں تئیں سارے اداریں دی ذمے واری اے ، ٹیماں بݨا ݙتیاں ڳئن ، بجٹ دے بعد وزارت خزانہ، ایف بی آر، ایکسائز اینڈ ٹیکسیشن سودھے سارے اداریں دے ذریعے جدید ٹیکنالوجی استعمال کرتے ٹیکس وصولی کیت?? ویسی ایں توں قومی خزانے اچ بہتری آسی ۔
.jpg)
