اسلام آباد۔9نومبر (اے پی پی) احساس راشن رعایت رجسٹریشن پورٹل دا اجراء کرݙتا ڳئے، ڳھٹ آمدݨ آلے گھر آپݨی درخواستاں پورٹل تے آن لائن جمع کروا سڳدن۔پورٹل دا پتہ ehsaasrashan.pass.gov.pk اے۔وزیراعظم دی معاون خصوصی برائے تخفیف غربت تے سماجی تحفظ سینیٹرڈاکٹر ثانیہ نشتر احساس راشن پورٹل دے اجراء دے موقع تے ستارہ مارکیٹ اسلام آباد اچ ہک کریانہ دی دکاندار دی احساس رجسٹریشن پورٹل تے درخواست خود درج کرائی۔ ۔نیشنل بینک ٹیم دے اعلیٰ افسران وی انہاں دے رلے ہن۔ ایں موقع تے میڈیا نال ڳالھ مہاڑ کریندیں ہوئیں انہاں آکھیا جو فی گھر ہک درخواست جمع تھیسی اتے ہر گھر اندراج کیتے گھر دے ہک بندے کوں چݨسی۔ اہل ہووݨ دی صورت اچ صرف رجسٹرڈ لوک راشن رعایت حاصل کر سڳسی۔
