اسلام آباد۔13جنوری(اے پی پی) وزیردفاع خواجہ محمدآصف آکھیے پاکستان دہشت گردی دے خلاف جنگ دے زیادہ نتائج بھوڳن، پوری قوم ایں جنگ دی قیمت ادا کریندی پئی اے ، ساݙی سکیورٹی فورسز فتنہ الخوارج دابہادری نال مقابلہ کریندی پئی اے ۔ قومی اسمبلی اچ وقفہ سوالات تے جاوید حنیف، عبدالقادرپٹیل،اتےعالیہ کامران دے سوالاں تے وزیردفاع ایوان کوں ݙسائے جو دہشت گردی دے خلاف جنگ توں پاکستان کوں افغانستان دے ٻئے پڑوسی ملکاں دے مقابلے اچ زیادہ ضیان تھئے ، ماضی اچ غلط فیصلیں توں ملکی سالمیت کوں دائو تے لاتا ڳئے ، پاکستان دہشت گردی دے خلاف جنگ دے زیادہ نتائج بھوڳئن ، پوری قوم ایں جنگ دی قیمت ادا کریندی پئی اے ، ساݙی سکیورٹی فورسز فتنہ الخوارج نال جوانمردی نال لڑدی پئی اے بہادری نال مقابلہ کریندی پئی اے ۔ وزیر دفاع آکھیے سابق وزیراعظم عمران خان ہزاراں دی تعداد اچ ٹی ٹی پی کوں اتھاں آتے وسائے انہاں خود اعتراف کیتے جو جنہاں 45ہزارلوکاں کوں واپس آتے وسایا ڳئے انہاں اچوں 6ہزاردے نیڑے جنگجوہن۔ انہاں آکھیے ایں معاملے اچ ایوان کوں تفصیلی بریفنگ ݙیوݨ سانڳے تیار ہن۔این سی سی اتے گرلزگائیڈسے متعلق سوال تے انہاں آکھیے گرلزگائیڈ دا وزارت دفاع نال کوئی تعلق کائنی ، این سی سی ٹریننگ ایں ویلھے کالجز اچ کائنی تے نہ ہی ایں کوں دوبارہ شروع کرݨ دی کوئی منصوبہ بندی کیتی ڳئی اے ۔ عبدالقادرپٹیل دے سوال تے وزیردفاع آکھیے کینوپ اچ کوئی لیپس کائنی تھیا کینوپ اتے ٻئے پلانٹس دی حفاظت بین الاقوامی معیارموجب ہن اساں بین الاقوامی معیار کوں اپنایاہویا اے ۔انہاں آکھیے جوہری پلانٹس توں 52سالاں اچ کوئی تابکاری یا تابکاری توں بیماری رپورٹ کائنی تھئی ۔نگرانی داطریقہ روزانہ، ماہانہ اتے سہ ماہی بنیاداں تے کیتا ویندے انہاں آکھیے ایں ویلھے کینوپ دے 552اچوں 452دا تعلق سندھ توں اے ، 175دا تعلق پلانٹ دے نیڑے دے علاقیں توں ہن ۔ انہاں آکھیے مقامی کمیونٹی دے 50گھراں کوں شمسی پینلز دی فراہمی سودھے، تعلیم، صحت اتے پاݨی دیاں سہولتاں ݙتیاں ویندیاں پئن
