اسلام آباد۔9اگست(اے پی پی) قومی اسمبلی اجلاس دی کارروائی مسجد نبویؐ دے امام ڈاکٹر صالح بن محمد البدیر دی تلاوت کلام پاک توں شروع تھئی اے ، پورے ایوان مسجد نبویؐ دے امام دا بھرپور خیرمقدم کیتا۔ قومی اسمبلی اچ اجلاس دے آغاز تے سپیکر قومی اسمبلی سردار ایازصادق آکھیے ساݙی خوش قسمتی اے مسجد نبوی دے امام ساݙے درمیان موجود ہن۔ پورے ایوان دی طرفوں معززمہمان کوں دِلوں خوش آمدید آکھداں۔ انہاں آکھیے آپ دی موجودگی اساں سبھنائیں کتیے ماݨ دی ڳالھ اے ۔ مسجد نبوی توں اساں ساریں دی ہی نی پورے عالم اسلام دی روحانی جڑت اے ۔ اساں آپ دی رہنمائی دے خواہش مند ہیسے۔ اللہ تعالیٰ توں دعا اے اساکوں نبی پاک ؐ دے اسوہ حسنہ تے چلݨ دی توفیق عطا فرماوے۔ وزیر دفاع خواجہ محمد آصف ، پیپلزپارٹی دے چیئرمین بلاول بھٹو زرداری، مولانا فضل الرحمن تے قائد حزب اختلاف عمر ایوب خان وی قومی اسمبلی دے اجلاس اچ مسجد نبوی دے امام ڈاکٹر صالح بن محمد البدیر دی تلاوت اتے موجودگی کوں باعث سعادت قرار ݙتا۔ سپیکر قومی اسمبلی سردار ایاز صادق مہماناں دی گیلری اچ موجود سعودی سفیر نواف بن سعید المالکی داوی خیرمقدم کیتے تے آکھیے او پاکستان اچ سعودی عرب دے ہی کائنی ساݙے وی سفیر ہن
