اسلام آباد۔30مارچ (اے پی پی):سپیکر قومی اسمبلی راجہ پرویز اشرف دی صدارت اچ آئین دی گولڈن جوبلی تقریبات دے حوالے نال ایڈوائزری کمیٹی دا اجلاس خمیس کوں پارلیمنٹ ہاؤس اچ تھیا ۔ ایں موقع تے سپیکر آکھیے آئین پاکستان دی دستاویزات ھک اہم دستاویز اے،آئین دی گولڈن جوبلی تقریبات دا مقصد عوام اچ آئین دے حوالے نال شعور اجاگر کرݨا اے ، آئین دی گولڈن جوبلی تقریبات دے حوالے نال انتظامات کیتے کم کرݨ آلے لوک مبارخ باد دے مستحق ہن ۔ گولڈن جوبلی تقریبات کوں شایان شان طریقے نال مناوݨ کیتے سارے اداریں دا تعاون خوش آئند اے،آئین پاکستان دی بالادستی دی خاطر سختیاں برداشت کرݨ آلیں تے قربانیاں ݙیوݨ آلیں کوں تاریخ اچ ہمیشہ یاد رکھیا ویسی ۔ فرحت اللہ بابر آکھیے آئین دی گولڈن جوبلی دے موقع تے آئین دی خاطر سختیاں برداشت کرݨ آلیں کوں وی خراج تحسین پیش کیتا ونڄے ۔آئین دی بالادستی کیتے خدمات سر انجام ݙٰیوݨ آلیں دے ناں سنہری حروف اچ لکھیے ویسن
