جنیوا ۔9جنوری(اے پی پی)وفاقی وزیر برائے ماحولیاتی تبدیلی سینیٹر شیری رحمن آکھیے جو پاکستان کوں سیلاب دے وݙے نقصان دا سامݨا کرݨا پئے جیندے بعد بحالی و تعمیرنو دا وݙا چیلنج درپیش اے، پاکستان کوں ولو سنٻھلݨ کیتےعالمی برادری دی ودھ امداد اتے حمایت دی لوڑھ اے۔ جینوا اچ پاکستان بارے عالمی کانفرنس نال خطاب کریندے انہاں آکھیا جو پاکستان کوں تکنیکی استعدادکار سودھا فنڈنگ اتے وسائل دی لوڑھ پوسی جو پاکستان ماحولیاتی تبدیلیاں دے خطرات پاروں فرنٹ لائن تے ہے، اے اثرات حالیہ تباہ کن سیلاباں دی شکل اچ سامݨںے آندے پن جیندی تباہ کاری اقوام متحدہ دے سیکرٹری جنرل، عالمی ادارے، ساݙے ساڄھے دار اتے بین الاقوامی تنظیماں وی ݙٹھن، ایں آفت سوا 3 کروڑ لوک متاثر تھین جیندے کیتے ادویات، خوراک، رہائش و روزگار ݙیوݨ ہک چیلنج اے، پاکستان کلہیں اتنی وݙی تباہ حالی دے بحالی و تعمیرنو نئین کر سڳدا عالمی برادری کوں ہتھ ونݙاوݨا ہوسی۔
