لاہور۔2جنوری(اے پی پی)وزیر صحت پنجاب یاسمین راشد آکھیے جو ہر ٹٻر کوں ہیلتھ کارڈ ݙیوݨ تے حکومت دی ودھ توجہ اے، ایں سانڳے معلومات کیتے “نیا پاکستان قومی صحت” ایپ ٻݨا ݙتی اے۔ لاہور اچ میڈیا نال الیندے انہاں آکھیا جو 31 مارچ تئیں پنجاب دے سارے ڈویژناں اچ صحت کارڈ ݙے ݙتے ویسن، اے صرف گھر دے اڳواݨ کوں ملسیبھل ایندے نال گھر دے ہر ڄݨے دا اعلاج تھی سڳسی۔ انہاں آکھیا جو سرکاری اتے نجی ہسپتال صحت کارڈ دے پینل تے ہوسن، محکمہ صحت اچ 25 ہزار نویاں نوکریاں نکلدیاں پن، 15 ہزارنوکریاں دا اشتہار ݙتے۔ انہاں آکھیا جو اومی کرون دی شدت پہلے ویرینٹ توں ڳھٹ اے بھل اے کھنݙدا ٻہپوں تیکھے اے، شکر اے جو پنجاب دی 51 فیصد آبادی مکمل ویکسی نیٹڈ اے، ہݨ وی احتیاط نئیں چھوڑݨی چاہیدی۔
