اسلام آباد۔4ستمبر(اے پی پی)چیئرمین سینیٹ محمد صادق سنجرانی گوادر اچ پاک بحریہ دے تربیتی ہیلی کاپٹر کوں حادثے تے افسوس کیتے۔ ہک پرچاوݨی اچ انہاں پاک بحریہ دے افسران دے جانی نقصان تے افسوس کریندے انہاں شہدا دے ٹٻراں کوں مکاݨ ݙتے۔ چیئرمین سینٹ آکھیے جو مادر وطن دے بہادر پتراں تے ماݨ اے، مسلح افواج دی ملک و قوم کیتے قربانیاں کوں ہمیشہ یاد رکھیا ویسی۔ انہاں شہدا کیتے بلندی درجات دی دعا کریندے سوگوار ٹٻراں نال ہمدردی کیتی۔ ڈپٹی چیئرمین سینیٹ مرزا محمد آفریدی وی حادثے تے افسوس کیتے۔
